انصار: ( د لیندۍ ۲۷ مه)، د (IQAir) موسسې د څېړنیز راپور پر اساس، د نړۍ تر ټولو ککړ هیوادونه د جنوبي او منځنۍ آسیا په سیمه کې متمرکز دي، چیرې چې د نړۍ ۱۰ تر ټولو ککړ ښارونه موقعیت لري.
۱- بنګلهدېش په هر متر مکعب ساحه کې د ۷۹.۹ مایکروګرامه معلقو ذراتو په لرلو د دې لیست په سر کې دی، چې دا ککړتیا د روغتیا د نړیوال سازمان تر ټاکل شوي کالني معیار (یعني PM2.5) ۱۵ برابره ډېره ده.
۲- پاکستان په دې لیست کې په دویم ځای کې دی، چې د ککړتیا کچه یې له خوندي معیار څخه ۱۴ برابره لوړه ده. د پاکستان تر ټولو ککړ ښار لاهور دی، ورپسې فیصل اباد او بیا پېښور دی.
۳- ورپسې، هند په درېیم ځای کې دی، چې د PM۲.۵ کچه یې له ټاکل شوي حد څخه لس برابره لوړه ده.
د نړۍ څلور تر ټولو ککړ ښارونه هم په هند کې دي چې په هغو کې د دغه هیواد په شمال ختیځ کې صنعتي ښار بیګوسرای (Begusarai) تر ټولو خراب حالت لري.
تاجکستان او بورکینافاسو په ترتیب د نړۍ په ککړو هیوادونو کې څلورم او پنځم ځای لري، چې د PM۲.۵ کچه یې له خوندي معیار څخه ۹ برابره لوړه ده.
(IQAir ) موسسې د ۱۳۴ هیوادونو د هوا د وضعیت معلومات څېړلي خو په دغو هیوادونو کې افغانستان، ایران او یو شمېر نور نه دي شامل ځکه چې دغو هیوادونو د خپلې هوا د کیفیت په اړه معلومات له دې موسسې سره نه دي شریک کړي. کنې د ایران تهران او د افغانستان کابل غالباً د هوا د ککړتیا له نظره د جنوبي اسیا د هیوادونو تر ښارونو وروسته ښايي ډېر ککړ ښارونه وي.
په وروستۍ اوونۍ کې مو له کابل څخه د هوا د ککړتیا له امله د تنفسي ناروغیو په اړه د خلکو ګڼ شکایتونه ترلاسه کړي دي.
تاند ته په کابل کې څو ډاکترانو وویل چې د هغو ناروغانو شمېر نن سبا ډېر شوی چې ناروغي یې د هوا له خرابوالي په تیره بیا دوړو او لوګي سره تړاو لري.
استرالیا، استونیا، فنلنډ، آیسلنډ، موریشیس او نیوزیلنډ هغه اووه هیوادونه دي چې توانېدلي معلقې ذرې په هر متر مکعب کې له ۵ مایکروګرامو کښته وساتي.
په راپور کې ویل شوي چې د هوا د ککړتیا مخنیوي یا په هر متر مکعب کې د معلقو ذرو کمولو ته اروپايي هیوادونو نسبتاً ډېر پام کړی او کال په کال یې وضعیت مخ په ښه کېدو دی.
URL تعقيب: https://www.ansarpress.com/pashto/34866
د فرشتې کوهستاني او د هغه د ورور مړي خاورو ته وسپار شول