انصار: (د لیندۍ ۲۵مه)، د افغانستان کرکټ ملي لوبډلې له زیمبابوې څخه د نړۍ والو شل اوریزو لوبو وروستۍ سیالۍ په ګټلو دا لړۍ په خپل نوم کړه.
افغان لوبډلې د وروستۍ برخلیک ټاکونکې لوبې پچه وګټله او زیمبابوې ته یې د توپوهنې بلنه ورکړه.
زمبابوې د ټولو لوبغاړو په زیان افغان لوبډلې ته د ۱۲۸ منډو هدف ورکړ.
افغان لوبډلې لپاره راشدخان ۴ او مجیب، عظمت او نوین الحق ۲-۲ لوبغاړي وسوزول.
افغان لوبډلې ټاکل شوی هدف د شلم اور په ۳م بال پوره او د دریمې لوبې د بریا ترڅنګ یې لوبلړۍ ۲-۱ په خپل نوم کړه.
په توپوهنه کې د افغانستان لپاره تر ټولو ډېرې منډې عضمت الله عمرزي ۳۴ وکړې، ورپسې ګلبدین نایب ۲۲ او محمد نبي ۲۴ وکړې.
د دې لوبلړۍ لومړۍ لوبه زیمبابوې، دوهمه او درېیمه لوبه افغانستان وګټله.
افغانستان تر دې لړۍ وروسته له زیمبابوې سره د یو ورځنیو او ټېسټ لوبو لړۍ هم ترسره کوي.
URL تعقيب: https://www.ansarpress.com/pashto/34835
د کرکټ ستوری راشدخان د نړۍ مشرانو ته! زما هېواد له ناورین سره مخ دی، یوازې مو مه پرېږدۍ