انصار: ( د لړم ۲۲مه) ، د پاکستان پوځي استخباراتو د پښتونخوا مشهور پښتون انځورګر کامران خان او د هغه پلار د ترهګرو په لست کې شامل کړي او له هېواد څخه بهر ته د هغوی په وتلو یې بندیز لګولی دی.
کامران خان د وتلې انځورګرې پېغلې الماس خانم ورور دی چې دواړو په شریکه یو لړ انځورونه جوړ کړي دي.
ویل کیږي چې د پاکستان استخباراتو دا ګام وروستی له هغه اخیستی چې کامران خان د پښتون ژغورنې غورځنګ د نومیالي غړي ګیله من وزیر انځور جوړ او خپور کړ.
کامران خان رسنیو ته ویلي، چې د پاکستان حکومت د هغه د پلار بانکي حساب، سیم کارت او د هغه د تقاعد تادیات بند کړي، هغه او پلار یې د ترهګرو په لست کې شامل کړي دي.
کامران خان او د هغه خور الماس خانم وروسته له هغه مشهور شول چې د پښتنو مشاهیرو؛ امان الله خان، باچاخان، منظور پښتین، ډاکتر نجیب، ملالې یوسفزۍ، ګیله من وزیر... عکسونه یې په رنګ او خامک جوړ کړل.
پښتنې پېغلې الماس خانم په ۲۰۲۲ میلادي کال کې د برتانیا پارلمان څخه د خپل ځانګړي هنر له کبله نړۍ واله جایزه وګټله، خو د پاکستان استخباراتي ادارې (آی اېس آی) چې انګرېز جنرال رابرت کاتهوم په ۱۹۴۸ کال کې جوړه کړې ده، هغوی د ترهګرو په لست کې شامل کړل.
URL تعقيب: https://www.ansarpress.com/pashto/34335
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني