انصار: ( د وږی۲۸مه)، د طالبانو د بهرنیو چارو وزارت وایي چې په عمان کې یې د افغانستان په سفارت کې خپل دیپلوماتان ځای پرځای کړي دي.
د طالبانو حکومت د بهرنیو چارو د وزارت مرستیال ویاند، حافظ ضیا احمد په ایکس ټولنیزه شبکه کې دغه اعلان کړی دی.
د هغه په وینا، "د عمان په پلازمینه مسقط کې د افغانستان د سفارت چارې په منظم ډول د طالبانو حکومت د بهرنیو چارو د وزارت د ډیپلوماټانو له خوا پرمخ وړل کیږي."
ښاغلي ضیا احمد همداراز ویلي چې په مسقط کې د افغانستان د سفارت د انتقال چارې د عمان هېواد په همکارۍ او ملاتړ ترسره شوې دي.
خو د عمان د بهرنیو چارو وزارت په رسمي ډول طالبانو ته د افغان سفارت د سپارلو خبر تر اوسه رد او تایید کړی نه دی.
د ویلو ده چې د کوربه هېوادونو له خوا د پاکستان، سعودي عربستان، ايران، ترکيې، متحده عربي اماراتو، قطر، ترکمنستان او ازبکستان په ګډون په نورو هېوادونو کې د افغانستان ګڼ شمېر سفارتونه د طالبانو حکومت ډيپلوماټانو ته سپارل شوي دي.
URL تعقيب: https://www.ansarpress.com/pashto/33505
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني