انصار: ( دچنګاښ۹مه)، د افغانستان لپاره د اروپايي ټولنې یوه چارواکې وايي، په افغانستان کې د اقتصادي خوځښت او ثبات راوستلو لپاره د ښځو کارموندنه مهم نقش لري.
د کابل لپاره د اروپايي ټولنې شارژدافېرې رافائله یودیس پر خپله ایکسپاڼه یا پخواني ټویټر کې لیکلي، د بازار متنوع کول، د نوښت پیاوړي کول او د محلي اقتصاد تقویه کول د ښځو د کار و بار او اوږدمهالې سوکالۍ ته وده ورکوي او پر مرستو د دوی تکیه کول راکموي.
مېرمن یودیس د ملګرو ملتونو د پراختیايي پروګرام یو ویډیويي کلیپ بیا خپور کړی چې دې ویډیو کې یوه ښځه وايي چې توانېدلې د کوچني پور په اخیستلو سره خپل شخصي کار و بار ته وده ورکړي.
د ماه جان محمدي په نوم یوې مېرمنې په دې ویډیو کې ویلي، تر پور اخیستو مخکې یې زیاتې اقتصادي ستونزې درلودې، خو اوس یې نورو ښځو ته هم د خیاطۍ زمینه برابره کړې او خپل روزګار چلوي.
URL تعقيب: https://www.ansarpress.com/pashto/32264
سور صلیب: د افغانستان د اقتصادي سیستم د سقوط د مخنیوي هڅه کوو