انصار:( د غبرګولی۱۹مه)، د ملي دفاع وزارت په یوه خبرپاڼه کې په کابل کې د دغه وزارت د استخباراتي ادارې له خوا له پوځي مهماتو او د الوتکو د پرزو سره د درېیو کسانو د نیولو خبر ورکړی دی.
د ملي دفاع وزارت د یوې خبرپاڼې په خپرولو سره ویلي دي: د ملي دفاع وزارت د کشف او استخباراتو پر وړاندې د مبارزې د لوی ریاست غړو د یو لړ څیړنیزو او عملیاتي راپورونو په ترڅ کې د کابل ښار د پوليسو له خوا درې تنه له ١٢٨ ميله بېلابېل ډوله جنګي وسايلو، ٨ ميله کلاشينکوفونو، ٢٥ راديوګانو او يو شمېر نورو مهماتو سره ونيول شول.
دغه وزارت زياته کړه: ترلاسه شوي مهمات او تجهيزات څه دپاسه يو ميليون امريکايي ډالره ارزښت لري چې دڅلورو ساعتو په هلوځلو کې داسلامي پوځ دځواکونو لاس ته ورغلي دي .
د وزارت په وینا، نیول شوي کسان د نورو څېړنو لپاره اړوندو ادارو ته سپارل شوي دي.
URL تعقيب: https://www.ansarpress.com/pashto/31967
