انصار: ( د وری 26مه)، پاکستاني رسنیو راپور ورکړی چې د افغانستان لپاره د تماس ډلې جوړېدل د سیمې هېوادونو تر منځ د مخالفتونو له کبله له ځنډ سره مخ شوي او ددې ډلې د ترکیب پر سر اختلاف ددې سبب ګرځېدلی څو دا پروسه وځنډیږي.
د ملګرو ملتونو سرمنشي انتونیو ګوتیریش د فبرورۍ په اتلسمه او نولسمه د دوحې له دوه ورځینۍ غونډې وروسته د داسې یوې ډلې د جوړېدو وړاندیز کړی و.
د دوحې د غونډې د جوړېدو موخه دا وه چې د افغانستان لپاره یو ځانګړی استازی وټاکل شي او دغه راز د تماس ډلې د جوړېدو په اړه سلا مشورې وشي.
د پاکستان ایکسپرېس ټریبیون ورځپاڼې د راپور پر اساس، د تماس ډلې جوړېدل په دې ډله کې د ځینو هېوادونو د غړیتوب پر سر د مخالفت له کبله ځنډېدلي دي. ورځپاڼې ویلي، پاکستان ددې غونډې په ترکیب کې د هند له غړیتوب سره مخالف دی.
د افغانستان په اړه د تماس ډلې د جوړېدو وړاندیز د ایران لخوا د مسکو په ناسته کې مطرح شوی وو.
URL تعقيب: https://www.ansarpress.com/pashto/31080
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني