انصار: (د سلواغی ۷ مه)، د امریکا د بهرنیو چارو وزارت په پاکستان کې د بیان او نظر پر ازادیو پر لګول شویو بندیزونو اندېښنه ښکاره کړه، ویې ویل چې دا د پاکستان د خپلې پالیسۍ خلاف دي.
په پاکستان کې د نامتو پښتون مشر منظور پښتین په شمول ګڼ خلک د نظر د څرګندولو په خاطر په زندان کې شپې سبا کوي.
د متحدوایالتونو د باندنیو چارو وزارت ویندوی ویدانت پیټل پرون خبریالانو ته وویل، امریکا په پاکستان کې د عامو انتخاباتو او ولسواکۍ ملاتړ کوي او امریکا د هر هغه چا ملاتړ کوي چې د پاکستان خلک یې پر خپلو رایو ټاکي.
خو ښاغلي پیټل په عین حال کې ټینګار وکړ چې ازادې رسنۍ د ولسواکۍ لپاره مهمې دي.
دا هغه څه دي چي پاکستان د پوځیانو د دیکتاتورۍ له کبله ورڅخه بې برخه شوی دی. پوځ اکثره رسنۍ تر خپل اغېز لاندې راوستي دي.
URL تعقيب: https://www.ansarpress.com/pashto/29838
قرأ
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني