په هرات کې د ۵ میلیارده او ۵۷۰ میلیونه ډالرو پر ارزښت د غوریانو د اوسپنې کان څلور بلاکونو سترې پروژې پرانیسته وشوه.
په یادې غونډې کې د کانونو او پطرولیمو وزارت سرپرست شهاب الدین دلاور ویلي چې د یادو بلاکونو قرارداد یو شمېر کورنیو او بهرنیو شرکتونو ته د ۳۰ کلونو لپاره ورکړل شوی چې ټولې چارې به یې په کور دننه ترسره کېږي.
نوموړي ویلي، په دې سره به ګڼ شمېر خلک په کار وګمارل شي او یاد شرکتونه به د خپلو چارو ترڅنګ د سیمې خلکو ته د کار په برخه کې لومړیتوب ورکوي.
د یادونې وړ ده چې واک ته د طالبانو له رسېدو وروسته په کور دننه د ګڼ شمېر کانونو د استخراج چارې پیل شوې.
د افغانستان حکومت وايي، هڅه کوي د کانونو په استخراج سره اقتصاد په پښو ودروي او خلکو ته د کار زمینه برابره کړي.
URL تعقيب: https://www.ansarpress.com/pashto/28388
قرأ
