انصار:( د تله ۲۳مه) د روسیې ولسمشر ولادیمیر پوتین وایي، چې د افغانستان وضعیت پېچلی دی او لا هم په دغه هېواد کې کافي ګواښونه موجود دي.
نوموړي د هم ګټو هېوادونو غونډې ته د وینا پر مهال دا هم ویلي، چې په دې تړاو د تاجکستان د اندېښنو ملاتړ معقول دی.
د طالبانو د رژیم ویاند ذبیح الله مجاهد بیا دا اندېښنې او ادعاوې رد کړې دي.
نوموړي ویلي، چې د افغانستان خاوره اوس خوندي او له هر ډول ګواښونو پاکه ده او د روسیې ولسمشر ممکن د ناسمو معلوماتو له مخې داسې څرګندونې کړې وې.
په وروستیو کې د افغانستان د وضعیت په اړه روسي چارواکي بیا- بیا داسې اندېښنې ښيي، چې د طالب ویاندویانو له لوري ردیږي.
URL تعقيب: https://www.ansarpress.com/pashto/27750
قرأ
