د هېواد په بېلا بېلو برخو کې د واورې ورېدنې له امله ځینې ترافیکي پېښې رامنځ ته شوې، چې په ترڅ کې یې ۲۶ تنو ته مرګ ژوبله اوښتې ده.
د هېواد په ۳۲ ولایتونو کې له پرون راهیسې سختې واورې او بارانونو پیل کړی، چې د ځينو لارو د بندېدو سبب هم شوې دي.
د همدې واورو ورېدنې له امله پرون په ننګرهار او فاریاب ولایتونو کې څو ترافیکي پېښې رامنځ ته شوې، چې ۷ تنه په کې وژل شوي او ۱۹ نور ټپیان شوي دي.
لومړی دوه ترافیکې پېښې د ننګرهار پر لویه لار د مشعلې کمر او ترازو په سیمه کې شوې، چې ۶ تنه په کې وژل شوي او ۸ نور ټپیان شوي دي.
دغه راز بله پېښه د فاریاب ولایت اندخوی ولسوالۍ کې رامنځ ته شوې، چې له امله یې یو تن ژوند له لاسه ورکړی او ۱۱ نور ټپیان شوي دي.
URL تعقيب: https://www.ansarpress.com/pashto/25614
قرأ
د فرشتې کوهستاني او د هغه د ورور مړي خاورو ته وسپار شول