انصار: (د زمري لومړۍ)، د پاکستان د جمیعت علمای اسلام ګوند مشر ملا فضل الرحمان وایي، په افغانستان کې واک ته رسېدلي طالبان د پاکستان احسانمند دي، خو غلامان یې نه دي.

نوموړي په یوه تازه مرکه کې د پاکستان او پر افغانستان د واکمنو طالبانو وروستیو ناندریو ته په اشارې وویل، چې په دې برخه کې یې افغانستان ته د سفر پر مهال د حل معقولې هڅې وکړې، خو د پاکستان د واکمنو د نه همکارۍ له امله دا هڅې بې پایلې پاتې دي.

فضل الرحمان له زیاتو جزئیاتو پرته وویل، چې د طالبانو لوی مشر ملا هبت الله سره لیدنه کې یې پر داسې طرحې سلا شوې وه، چې له مخې یې له افغان خاورې د پاکستان خلاف بریدونه پای ته ورسیږي او پاکستان خوندي شي.

د هغه په وینا، یوازې تحریک طالبان پاکستان نه؛ بلکې شل نورې ډلې هم چې د افغان جمهوري نظام خلاف طالبانو سره یو ځای جنیګدل، اوس د دوی تر واک لاندې افغانستان کې شته او فعال دي.

فضل الرحمان زیاتوي، چې د طالبانو د ۲۰ کلنې جګړې پر مهال پاکستان ۴۰ زره پاکستاني جنګیالي دغه هېواد ته استولي وو، چې اوس بیرته د دغه هېواد خلاف جنګیږي.

نوموړي پاکستان په دې کې پړ وباله، چې د خپلو نا امنیو ټوله ملامتي د افغانستان پر طالب واکمنو اچوي او خپله پکې مسوولیت نه مني.

د ده په وینا، که د پاکستان خلاف برید کوونکي پر ډیورنډ کرښه اوړي او پاکستان یې په نه مخنیوي کې د افغانستان واکمنان ګرموي، پاکستان یې باید د کرښې دې غاړې ته مخه ونیسي؛ څه چې د ده په وینا پاکستان له مجهز پوځ او استخباراتو سره پرې نه دی بریالی شوی.

فضل الرحمان په ورته وخت کې وویل، چې په افغانستان کې د وسله والو پالنه د پاکستان تېروتنه وه، ځکه د دغه هېواد په شان میلیونونه افغانان ایران ته هم کډوال شوي وو، خو هغه هېواد د جنګي روزنې مرکزونه ورته نه وو جوړ کړي، چې وروسته ورته په سرخوږي بدل شوي وای.

دغه پاکستاني ملا دا هم وویل، چې پر افغانستان واکمنو طالبانو ته دا خبره سخته ده، چې پاکستان ضدو ډلو ته د پاکستان خلاف د هغوی جګړه جهاد ونه ګڼي، ځکه هغوی به ورته ووایي چې تاسې ولې د خپل نظام خلاف جنګیدئ او د جهاد نوم مو ورکړی و.

نوموړي له ټي ټي پي سره د مذاکراتو او نه مذاکراتو په اړه محتاطانه نظر ورکړ او ویې ویل، چې په تدبیر سره باید اوسنی وضعیت مهار شي، ځکه پاکستان په ځانګړي ډول پښتونخوا او بلوچستان کې ناورین سره مخ دی.

LINK: https://www.ansarpress.com/english/32617

*	NAME
*	COMMENT
4 DIGITS BELOW
*

	Taliban’s new law bans women’s voices and faces
	Western Kabul residents say Taliban has failed to ensure security after bombing
	Formation of the Federalist Assembly of Afghanistan
	Taliban: Afghanistan Does Not Have Formal Border With Pakistan
	Pedram: The Abduction of Hazara and Tajik Women Recalls the Crimes of Abdur Rahman
	Special envoys from G7 countries discuss Afghanistan in London meeting
	UNAMA report: 49 Hazara community members killed in Afghanistan in three months
	Generations of Pakistan and Afghanistan who fell victim to suicide attacks
	UNAMA urges increased protection for Afghanistan’s Hazara community after Kabul attack
	Explosion reported in Kabul , casualties still unknown