انصار: ( د وری 16مه)، د فلسطیني اسلامپالې ډلې حماس مشر اسماعیل هنیه وایي، دا ډله په غزه کې د یوه اوربند لپاره پرخپلو شرایطو ولاړه ده.

د رویترز خبري آژانس د راپور له مخې، ښاغلي هنیه وویل چې حماس پر خپلو غوښتنو ولاړه ده چې پکې دایمي اوربند، له غزې تړانګې څخه د اسراییلي ځواکونو بشپړ وتل او خپلو کورونو ته د ټولو بې ځایه شویو خلکو بیرته ستنیدل شامل دي.

اسراییلي چارواکي د روانې اونۍ په پیل کې د یوه اوربند د ټینګیدو لپاره د نویو هڅو په ترڅ کې د مصر پلازمېنې قاهرې ته تللي وو، خو یوه فلسطیني چارواکي وویل چې تراوسه د پرمختګ کومه نښه نه ده لیدل شوې.

ښاغلي هنیه د القدس د ورځې په مناسبت په یوه ټلویزیوني وینا کې وویل چې حماس پرخپلو دې شرطونو ولاړه ده او د دې ترڅنګ باید پرېښودل شي چې د غزې اوسیدونکو ته د اړتیا وړ موادو مرستې ورسیږي.

هغه همدارنګه وویل چې غزه باید ورغول شي، کلابندي یې باید ختمه شي او د ده په خبره، د بندیانو د تبادلې یوه ویاړلې موافقه باید ترلاسه شي.

د رویترز د راپور له مخې، د بندیانو د تبادلې په اړه د ښاغلي هنیه اشاره د اسراییل له زندانونو د فلسطیني بندیانو خوشې کیدو ته وه چې په بدل کې به یې حماس له ځان سره یرغمل شوي اسراییلیان آزادوي.

حماس د تېرکال د اوکتوبر پراومه د اسراییل پر قلمرو په برید کې شاوخوا ۱۲۰۰ کسان ووژل او شاوخوا ۲۴۰ یې یرغمل کړل.

د مخکیني لنډمهاله اوربند په ترڅ کې حماس په لسګونو یرغمل د اسراییل له زندانونو د په سلګونو فلسطیني بندیانو په بدل کې آزاد کړل، خو ویل کیږي چې تراوسه له سلو زیات یرغمل له دې ډلې سره دي.

د راپور له مخې اسراییل ویلي، په غزه کې یوازې یوه لنډ مهاله اوربند ته لېواله دی ترڅو یرغمل آزاد شي خو حماس ویلي چې دوی به یوازې د داسې یوه جوړجاړي د یوې برخې په توګه آزاد کړي چې په غزه کې جګړې ته د تل لپاره د پای ټکی کېږدي.

خو د اسراییل صدراعظم بنیامین نتنیاهو ویلي چې اسراییلي ځواکونه پلان لري چې د غزې تړانګې جنوبي برخې، رفح ته چې شاوخوا یونیم ملیون کسانو پکې پناه اخیستې، ننوځي.

په عین حال کې په دوحه کې د قطرصدراعظم او د بهرنیو چارو وزیر شېخ محمد بن عبدالرحمن الثانی پرون د چهارشنبې په ورځ وویل چې په غزه کې د یوه اوربند لپاره خبرې له په ټپه دریدلي حالت سره مخامخ شوي او یو مهم علت یې دادی چې دواړه لوري د فلسطینیانو د قلمرو مختلفو سیمو ته د بې ځایه شویو خلکو د بیرته ستنیدو په اړه اختلاف لري.

LINK: https://www.ansarpress.com/english/30931

*	NAME
*	COMMENT
4 DIGITS BELOW
*

	Taliban’s new law bans women’s voices and faces
	Western Kabul residents say Taliban has failed to ensure security after bombing
	Formation of the Federalist Assembly of Afghanistan
	Taliban: Afghanistan Does Not Have Formal Border With Pakistan
	Pedram: The Abduction of Hazara and Tajik Women Recalls the Crimes of Abdur Rahman
	Special envoys from G7 countries discuss Afghanistan in London meeting
	UNAMA report: 49 Hazara community members killed in Afghanistan in three months
	Generations of Pakistan and Afghanistan who fell victim to suicide attacks
	UNAMA urges increased protection for Afghanistan’s Hazara community after Kabul attack
	Explosion reported in Kabul , casualties still unknown