انصار: (دمرغومی24مه)، د جمعیت علمای اسلام پاکستان مشر، مولانا فضل الرحمان ویلي افغانستان ته د مینې او محبت له پیغام سره د نویو اړیکو جوړولو په نیت راغلی و.

مولانا فضل الرحمان له ملي ټلویزیون سره په مرکه ویلي چې د سفر اصلي موخه یې د دواړو هېوادونو اړیکو ښه والي او د رامنځته شویو ستونزو حل وو.

نوموړي وویل کله چې طالبان واک ته ورسېده، دا یې خپله فریضه وبلله چې د مبارکۍ لپاره افغانستان ته سفر وکړي، خو موقع ورته نه برابرېدله.

د جمعیت علمای اسلام پاکستان له مشر مولانا فضل الرحمان او ورسره پلاوي کابل ته یکشنبه د مرغومي ۱۷مه ته راغلی او د خپل سفر په ترڅ کې یې د طالبانوحکومت له ګڼو چارواکو سره وکتل.

نوموړي همداراز ویلي چې سفر یې غیر رسمي یوازې د جمعیت اسلام ګوند لخوا و، خو د پاکستان حکومت یې خبر کړی و.

جمعیت علمای اسلام پاکستان مشر د دواړو هېوادونو ترمنځ پر ګډ کلتور او ورورولي ټینګار سربېره وویل که دلته افغانان وایي چې پاکستان تل زمونږ پر ضد کار کړی نو هلته ورته خبرې د پاکستاني وګړي کوي.

کله چې له مولانا فضل الرحمان څخه د پاکستان لخوا په تېرو څلورو لسیزو کې د دې پوښتنه وشوه چې ولې یاد هېواد افغانستان پر ضد عمل کړی، نوموړي په یو ډول غوسې وویل چې پخوانیو ستونزو باندې خبرې کول نه غواړي او غواړي نوې اړیکې جوړې کړي.

د پاکستان دې مذهبې مشر ټینګار وکړ چې دطالبانو حکومت په عمل کې په رسمیت پېژندل شوی، او پاکستان یې ځکه په رسمیت نه پېژني چې نه غواړي په یوازې توګه عمل وکړي.

مولانا فضل الرحمان په همدې ډول وویل چې افغان کډوال د پاکستان مېلمانه دي، خو هېواد ته یې راستانه کېدو کې بده خبره نه ګوري.

که څه هم نوموړي د دې یادونه ونه کړې چې له ملا هبت الله سره هم لیدلي او که نه، خو سرچینو تایید کړي وو چې مولانا فضا الرحمان د طالبانو له مشر سره لیدلي دي.

تر دې وړاندې د طالبانو حکومت هم ډاډ ورکړی چې د افغانستان له خاورې به هیڅوک نه ګواښل کیږي او دا په داسې حال کې ده چې د طالبانو له بیا راتګ وروسته په پاکستان کې ناامني او ترهګریز بریدونه په چټکۍ سره زیات شوي دي.

LINK: https://www.ansarpress.com/english/29595

*	NAME
*	COMMENT
4 DIGITS BELOW
*

	Taliban’s new law bans women’s voices and faces
	Western Kabul residents say Taliban has failed to ensure security after bombing
	Formation of the Federalist Assembly of Afghanistan
	Taliban: Afghanistan Does Not Have Formal Border With Pakistan
	Pedram: The Abduction of Hazara and Tajik Women Recalls the Crimes of Abdur Rahman
	Special envoys from G7 countries discuss Afghanistan in London meeting
	UNAMA report: 49 Hazara community members killed in Afghanistan in three months
	Generations of Pakistan and Afghanistan who fell victim to suicide attacks
	UNAMA urges increased protection for Afghanistan’s Hazara community after Kabul attack
	Explosion reported in Kabul , casualties still unknown