د امریکا د ملي امنیت سلاکار سلیوان او افغانستان د ملي امنیت شورا سلاکار ډاکتر حمدالله محب تلېفوني خبرې کړې دي.

 ارګ او سپینې ماڼۍ دواړو په جلا خبرپاڼو کې ویلي، چې د ښاغلي محب او سلیوان تلېفوني خبرې پرون چهارشنبې د غبرګولي ۵ مه شوې دي.

په دغه اړیکه کې دواړو لورو له ترهګرۍ پر مبارزې، د افغانستان پر روان وضعیت، سولې پروسې او په ټول کې د سیمې پر حالاتو خبرې کړې دي.

د امریکا د ملي امنیت شورا سلاکار جیک سلیوان ویلي، امریکا به د افغانستان نه د ځواکونو ایستلو وروسته هم د افغان حکومت او ولس تر څنګ په ټینګه ولاړه وي.

سپینې ماڼۍ له دې تلېفوني خبرو وروسته په یوه خبرپاڼه کې د خبرو جزیات خپاره کړي وايي، سلیوان خپل افغان سیال ته ډاډ ورکړ، چې امریکا به د افغان حکومت او ولس تر څنګ په ټینګه ولاړه وي.

اعلایمه زیاتوي، دواړو چارواکو د دوه اړخیزې همکارۍ په لا غښتلتیا ټینګار وکړ او د نږدې سلا مشورو ژمنه یې وکړه.

سرچینه وايي، سلیوان د افغان امنیتي او دفاعي ځواکونو او افغانستان سره د ملکي مرستو په هکله د امریکا د پلانونو په اړه ښاغلي محب ته معلومات ورکړل.

د دواړو هیوادونو د ملي امنیت سلاکارانو په افغانستان کې د جګړې د پای ته رسولو لپاره د سیاسي موافقې د ملاتړ په خاطر د افغانستان او امریکا د حکومتونو د ګډ کار کولو په اهمیت موافقه وکړله.

سلیوان ویلي، د امریکا متحده ایالات به د «تل پاتې او ټول شموله» سولې په تر لاسه کولو کې د افغانانو سره په ټینګه ولاړ وي.

بل خوا د افغانستان د ملي امنیت شورا هم د امریکایي لوري سره دا خبرې تائید کړي وايي، دواړو لوریو د تروریزم د مخنیوي او امنیت په برخه کې د همکاریو پر دوام بحث وکړ.

سرچینه وايي، د امریکا د ملي امنیت سلاکار ښاغلي سلیوان له افغانستان سره د پراختیايي مرستو، د افغان امنیتي او دفاعي ځواکونو د ملاتړ او د سولې په پروسه کې د خپل هېواد پر همکاريو ټینګار وکړ.

امریکا او افغانستان پداسې حال کې د سولې په برخې کې د همکارۍ خبرې کوي چې د طالبانو او د افغانستان د حکومت د استازو تر منځ د سولې په مخامخ خبرو کې څه د پام وړ پرمختګ ندی راغلی.

طالبانو چې پخوا یې د ترکیې د استانبول په غونډې کې د ګډون نه انکار کړی و، تازه یې ویلي چې د یو لړ شرطونو پر اساس به پدې غونډې کې ګډون وکړي.

LINK: https://www.ansarpress.com/english/22552

*	NAME
*	COMMENT
4 DIGITS BELOW
*

	Taliban’s new law bans women’s voices and faces
	Western Kabul residents say Taliban has failed to ensure security after bombing
	Formation of the Federalist Assembly of Afghanistan
	Taliban: Afghanistan Does Not Have Formal Border With Pakistan
	Pedram: The Abduction of Hazara and Tajik Women Recalls the Crimes of Abdur Rahman
	Special envoys from G7 countries discuss Afghanistan in London meeting
	UNAMA report: 49 Hazara community members killed in Afghanistan in three months
	Generations of Pakistan and Afghanistan who fell victim to suicide attacks
	UNAMA urges increased protection for Afghanistan’s Hazara community after Kabul attack
	Explosion reported in Kabul , casualties still unknown